நம்ம டாக்(டர்) விஜய் "ரசிகன்" மாதிரி பல படத்துல பண்ணுன களியாட்டத்துக்கு அவருக்கு டிமாண்டு.. அதே களியாட்டத்தை பண்ணுன நம்ம சேட்டைக்கார குருக்களுக்கு ரிமாண்டா???
மத்திய ஜவுளி அமைச்சர் தயாநிதி மாறன் ஆலோசனை படி பட்டு சேலையை சட்டையா மாத்தி "உலக சாதனை"ய புரிந்த இளைய தலைவலி டாக்(டர்) விஜய்க்கு "சாதனை செல்வன்" விருது திமுக அரசு வழங்கினாலும் ஆச்சரிய படுவதற்கில்லை.. கொக்கா மக்கா விஜய் போட்டிருக்கிற கலர் வளையல் கூட நல்லாருக்கு, ஆனா டாக்(டர்) மூஞ்சி தான் இஞ்சி தின்ன ஏதோ மாதிரிருக்கு.
"தமிழ் திரையுலகின் விடிவெள்ளி", "புரட்சி சுனாமி" மற்றும் "நடன சூறாவளி" ஆகிய ரசிக பட்டாளங்கள் வழங்கிய பட்டங்களை மக்களுக்காக சுமையென கருதாது தாங்கி கொண்டிருக்கும் நமது தல "சாம் ஆண்டர்சன்" சமீபத்தில் பாலிவுட்டிலும் கால் பதித்து தனது திறமையை திறம்பட வெளிப்படுத்தியுள்ளார்.. வெத்துவேட்டான "வேட்டைகாரன்" படத்திற்கே பல தில்லாலங்கடி விளம்பரங்களை கடந்த ஒரு வருடமாக வெளியுட்டு கொண்டுள்ள டாக்(டர்) விஜய் போன்றவர்கள் மத்தியில் விளம்பரத்தை விரும்பாது தனது முக தோற்றத்தையே முற்றிலும் மாற்றி "MUPPET" என்ற பாலிவுட் படத்தில் நடனம் என்ற பெயரில் நாதாரி தனம் புரிந்துள்ளார்.
முழு பூசணிக்காய எப்படி சோற்றில் மறைக்க முடியாதோ அதே மாதிரி தல என்னதான் ஜிங்கிடி மேக்கப் போட்டு சூறாவளியா(?????) சுழன்று டான்ஸ்(!!!!!!!!!!!) பண்ணினாலும் , அவரோட தொப்பை அது நம்ம தல "சாம் ஆண்டர்சன்" னுகாமிச்சு கொடுக்குது.
"ஸ்லம்டாக் எ மில்லினர்" படத்திற்கு பிறகு இப்படத்திற்கும் , ஈடு இணையில்லா நடனத்திற்கும் நமது "புரட்சி சுனாமி" சாம் ஆண்டர்சனுக்கு இவ்வருட ஆஸ்கார் விருது கண்டிப்பாக வழங்கப் படும் என்று ஹாலிவுட்டில் பரபரப்பாக பேசபடுவது குறிப்பிடத் தக்கது.
முக்கிய அறிவுப்பு:
தயவு கூர்ந்து இருதய நோயாளிகள் மற்றும் கர்ப்பிணி பெண்கள் இந்த நடனத்தை பார்க்க தவிர்க்கவும்.
ஆரம்பத்துல இருந்தே சொல்லிகிட்டு இருந்தேன், இந்த முறை முயற்சி, அடுத்த முறை வெற்றின்னு. அதே மாதிரி, இந்த முறை நடந்த, தமிழ் நாடு அரசுப் பணியாளர் தேர்வாணையத்தின் (Tamil Nadu Public Service Commssion) குரூப் -1 (Group I Services) என்கின்ற பணியின் முதன்மைத் தேர்வில் (Prelims) நான் தோற்றுவிட்டேன்.
சற்றே நிமிர்ந்தும், குணிந்தும், நடந்தும் பார்த்துவிட்டு, சிறிது நேரம் அமர்ந்து சிந்தித்துப் பார்த்தேன். நடந்தது என்ன? என்று என்னையே கேட்டுக்கொண்டேன்.
இதுதான் நடந்தது...
ஆரம்பத்தில் இருந்த ஆர்வம், வேகம் படிப்படியாக குறையத் தொடங்கியது. பல்வேறு சூழல்கள், பயணங்கள், பணிகள் என்று காரணங்கள் பலவற்றை குறிப்பிட்டாக வேண்டும்.
இந்தத் தேர்வில் வெற்றி பெற செய்ய வேண்டியது இதுதான்,
1. 6 முதல் 10 ம் வகுப்பு வரையிலான பாடப் புத்தகங்களை (கணக்கு, அறிவியல், வரலாறு, புவியியல், குடிமையியல்) நன்றாக படித்து தெளிவாக வேண்டும்
2. தினமும் வரும் முக்கியமான செய்திகளை படித்து, அதை குறிப்பெடுத்துக் கொள்ளவேண்டும்
3. தொலைக் காட்சி அல்லது தமிழில் தினமனி போன்ற ஊடகங்களை தினமும் ஒரு முறையேனும் வாசித்து விட வேண்டும்
4. தமிழில் இலக்கியங்கள், புதினங்கள், சிறுகதைகள், கவிதைகள், எழுதிய ஆசிரியர்கள் மற்றும் அவரது படைப்புகளை நன்கு அறிந்து வைத்திருத்தல் அவசியம்
5. இந்திய அரசியல் அமைப்புச் சட்டத்தின் (Indian Constitution) சாராம்சங்களையும், அதில் உள்ள பிரிவுகளையும் (Articles) நன்கு அறிந்து வைத்திருத்தல் அவசியம்
6. இந்தியாவின் மக்கள் தொகைக் கணக்கெடுப்பின் (Census) முறைகள், சென்ற முறை கணக்கெடுப்பின்படி உள்ள புள்ளியல் விவரங்களை தொகுத்து வைத்துப் படித்து தெளிதல் வேண்டும்.
7. இந்தியாவில், ஜனாதிபதி, பிரதமர், அமைச்சர்கள், மாநில முதல்வர்கள், தமிழக அமைச்சரவையில் உள்ள அமைச்சர்கள் பற்றிய புள்ளி விவரங்களை தொகுத்து வைத்து படித்து தெளிதல் அவசியம்
8. கடந்த ஆண்டுகளில் நடந்த தேர்தல்கள், அவற்றில் வெற்றி பெற்றவர்கள் விவரங்களையும் தெளிந்து தெரிதல் வேண்டும்.
9. இடைத் தேர்தல்கள் பற்றிய விவரங்களை அறிந்திருக்க வேண்டும்.
10. துறை சார்ந்த அரசு அதிகாரிகளின் விவரங்கள், துறையின் தலைவர்கள், விசாரணைக் குழுக்கள், அவற்றின் உறுப்பினர்கள், முடிவுகள்.
மேற்கண்ட அனைத்தையும் செய்திருந்தால் நான் வெற்றி பெற்றிருப்பேன். ஆனால், வெகு சில விவரங்களையே சேகரித்து வைத்துக் கொண்டு தேர்வை சந்தித்தேன்.
அரசுப் பணியாளர் தேர்வாணையத்தின் எந்த தேர்வு எழுத விரும்பினாலும், மேற்கண்ட 10 விவரங்களை அடிப்படையாக வைத்துக் கொள்ளவும். இதைத் தவிர்த்து கேள்விகள் வர முடியாது. வராது.
அடுத்த ஆண்டிற்கான தேர்வு அறிவிப்பு வரும் நவம்பர் மாத அளவில் வெளி வரும். தமிழ்நாடு அரசுப் பணியாளர் தேர்வாணையத்தின் இணையத்தில் (http://tnpsc.gov.in/recruitment.htm) இதற்கான அறிவிப்பு இருக்கும்.
Read more...
